طيب الاحساس
المديـر العــام
المساهمات : 225
تاريخ التسجيل : 19/01/2008
![•[. رحـَل 1 نـَعم 1 ولكنّه يسَاوي قوم . .]• Empty](https://2img.net/i/empty.gif) |  موضوع: •[. رحـَل 1 نـَعم 1 ولكنّه يسَاوي قوم . .]• ![•[. رحـَل 1 نـَعم 1 ولكنّه يسَاوي قوم . .]• I_icon_minitime](https://2img.net/s/t/10/01/40/i_icon_minitime.gif) الجمعة يناير 25, 2008 5:13 pm | |
| --{ قـــصة حب لاتنتـهي ..~
.
.
[ بـــسم الله الرحمـــن الرحيـــم . . ]~*
وقف نبض المسا فجأه وفجأه كل شي مهموم
ومن وقع الخبر صارت تنكس نفسها الاعلام
رحل زايد رحل والليل يتساءل بعد هاليوم
صباحج كيف يابلاد شعبها كلهم ايتام
فـــي هــ المـــساء . . قــبل التراويـــح كنت عـ اللابتوب . .
شــفت الخـــبر ماقــصدت بس قلبي انقبــض وقلت أكيد صـاير شي
فتـحت التلفزيـــون . . قنــواتنـــا المحليـــه [ تقــرأ القــرآن ]
يلست افرفر بين القنوات لقنــاة الــكويت ، وتحت شريط الإهداءات يقـــول : :
[ خـــبر عاجل ، وفاة زايـد بن سلطان حاكم الإمارت ]
الصـــاله فـــاضيه . . رحـت أخبر اهليه لعّلـهمـ ينهـون الكابوس اللي أعيشه ..
وانصدمت بحالتهم الكل يصييييح شرات اليهال وخويه العود ظهر من البيت وهو منهااار . .
.
.
سمعتك يالخبر وامري مابين مصدق وموهوم
وأمشي خطوه مصدق وخطوه تشبه الأوهام
بعــدها بدقــايق الخــبر أنتـــشر . . !
شــو مـــن صدمــه عشناها . . ؟! شو من خــبر وصــلنا ..؟!
كــلن قاعد في صــوب وهب مـــصدق . . ! مصدمومـــين ..!
.
.
ويسري شي في دمي كأني بالحزن مسموم
واشوف الناس من حولي وجوه تشبه الآلام
في هالـــيوم . . تيتـــمنـــا من بعد أبـــونا
اللي ما يعيــضنا حــد عن غيـــابه . . !
وين مانــصد نشـــوفه ، في النخـل اللي زرعه بيده
بالعمايـــر اللي أنبن مـــن فضـــله . .
بالمدارس اللي حبينـــاها لأنه حـثنا لـها . .
حتــى الهوى اللي نتنفــسه . .
حيـــاتنــا كلــها
[ زايـــد ، زايــــد ، و زايـــد نعم زايــــد ]
.
.
أشوف رجال مكبرها بكت كأنها طفل محروم
وأنا يادوبي مصدق واقول الله يالأيام
خذيتي زايد وكأنك خذيني من مسانا النوم
ولكن حكمتك ربي وحمك سيد الأحكام
شــو أصدق من دمـــعة رجــــل له هيبتــه عند عـَربانـه . . ؟!
ولا أصـدق عن دمـــوع الطــــفل من وعـى ع الدنيـا وهو يزقر [ بـابا زايـد ] . . ؟!
ولا أصدق عن دموعنـــا اللي ليـــن اليوم تــهل لطاريــه
.
.
فمان الله يازايد كثر ماهالخبر مشؤوم
فمان الله يالوالد كثر خيرك في هالأعوام
بعــد ما مـــرة هالليلــه اللي أشبــه بـ [ دهــر ]
رحنـــا العيــن ، و الريــايل حضــروا الجنازه . . !
كنت أشـــوف التــلفزيون وأنا هب مصــدقه . .
كل شي يقـــول [ زايــد راح ] . . لــيش هب طايعه أصدق . . ؟!
قــبل لا أيبونه وتبـدا الجنازه . . شــفت يدتيـــه ، ما نزلن دموعــي إلا بعد ماشفتها
كانت [ تمســـح ] دموعــها بشيلتــها ، وتقول من بيعضـنا فيك يا أبونـا كلنا . . !؟
أبويـه توفــى ، وأمــي . . عشت يتيمـه بس [ ماحزنت كثر ]حزنـي عليــك . . !
كلـــمات [ أثرت ] فيني وايـــد . .!
.
.
كثر حزني وانا اشوفك تروح وموكبك مزحوم
كثر مانظرة محمد بها غبنه وماتنلام
كثر ماصورتك بكت عيون الناس يالمرحوم
ابدعيلك فمان الله وبراحه عساك اتنام
كلماتـــي يخوننـي أني أوصــف شعوري يوم الجنازه . . !
هالأبيـــات كفيـــله أنها تعيشنــا الموقف . .
وأذكـــر [ البتانــي ] اللي أنهار يصـــيح . .
في حد مايحــب زايـــد . . ؟! منو دلونــي إن لقيتـوا حد . . !
.
.
مـــَر العــيد ، وشـو العــيد [ بدون ] أبونــا زايــد . . ؟!
بدون شــوفتـه في الشــوارع يمشـــي . .
ولا في أمبزره يحـــوط . . ؟! كنــا نشـوف ونحس انه هو العيد
بس لـو راح [ شــو هو عيدنـــا من بعده ] . . ؟!
بعــد الحــداد . . ردت المدارس ، وردينا لـ الدوامـــات . .
وفي الطابـــور رفــعوا العــلم اللي كان [ معــلن حــداده ] . .
نشــوفه يرتــفع ويرتفــع ليـن وصــل مكانه في القمــه . .
وحطــوا النشــيد الوطني والبنــات ينشــدن . .
كنــت أريد أشـــارك . . بس أحس عمري [مخنــوقـه ]
أكتفـــيت بالصـــمت و مدارات دموعـــي . .
بعده في [ الإذاعــه ]
ويوم كل وحــده تقــرا اللي كتبتــه . . حســيت اللي كان يصــير
مش حلـــم .. حقـــيقه . .!
.
.
أسالك يا ذا المعزه والجلال
ترفقه الفردوس وأنهار وعيون
ثبته ياربنا عند السؤال
وارحمه وارفق بعبدك ياحنون
زايد القدوه بعدله والمثال
اخلص لشعبه وحطه في العيون
فالأخـــير . . ها جزء من ذكرياتي
ولو نكتب لين باجر [ ماظني نوصف ] شعورنـــآ . .
ماقــول غـــير
يارب ترحمــه وتغمــد روحــه الجنــه عسى . .
.
.
اكتب ولا رمت حيلـه أوقف . . سامحوني لو طولت علــيكم
ارقب ردودكم | |
|
